Araka ny loharanom-baovao iray dia tsy mitazam-potsiny ny raharaha fakàna an-keriny tany Toamasina, izay nahavoarohirohy lehilahy iray ka nahazoan’ity farany fahafahana vonjimaika tamin’ny fiandohan’ity herinandro ity ny eo anivon’ny minisiteran’ny Fitsarana. « Mbola tsy eto an-toerana ny minisitra fa rehefa tonga izy dia azo antoka ny hisian’ny fepetra horaisina satria tafiditra ao anatin’ny politikan’ny minisitera mihitsy ny ady atao amin’ny fakàna an-keriny », hoy io loharanom-baovao io. Tsy mbola fantatra, noho izany, ny momba izany fepetra izany.
Niteraka resabe ny fanomezana fahafahana vonjimaika lehilahy iray voalaza fa atidohan’ny fakàna an-keriny Karàna iray tany Toamasina, tra-tehaka tamin’ny volana desambra 2018. Na ireo mpitandro filaminana nisambotra ireo andian jiolahy mahery vaika izay nahatrarana basy sy baia ireo na ny mpitsara izay nandray andraikitra nikely fofotra tamin’ny fikarohana ireo jiolahy dia samy tankina avokoa rehefa naheno ny fahafahan’ilay voalaza fa atidohan’ ny mpaka an-keriny.
R.F